Senti, son stufa, senpre lanje e frinji,
tu mare che zbufa perché ga tropi inpenji
La caza, la scola, el phon che no lavora
tu pare che rusa, andè tuti in malora!
Se volevo problemi, me spozavo anche mi
bastava una firma, e dir senpre sì!
Far fioi su la carta portàrgheli a zia
tanto ela ga tenpo, cos’ ti vol che sia!
La vita ga piani, per onjidun diversi
chi zvola, chi casca, chi ingruma tochi persi.
El palco, le luci, ze de senpre el mio destin
son sola co’ prego, dadrìo in camerin.
Se no volevo vìver rinunciavo anche mi!
No risciavo mai, dizevo senpre sì!
Sièlzer ze fadiga ze difìsile capir
che onji aplàuzo te fa vìver e morir