Prima che la note finisi, prima che la se zveji,
devo trovar le parole che la vol sentir.
La go vista ieri sera, tuta bela e piturada,
no me par vero de gaverla incontrada.
No son bel e pien de soldi, ma go un cuor grando cusì,
No son duro e fanfaron, ma zentil e sfadigon.
Mi no manjo a zbafo, son un bravo sapador.
Mi no son racomandado, cuel che go lo go sudado.
Chisà se basta… chisà, chisà… e se la dizi: njanca un fià!?
Faso ‘na figura de… (propio cusì…) se no ghe va cuel che go za.
Chisà se basta… chisà, chisà… e se la dizi: njanca un fià!?
Una cazeta de piera, do vide e un morer,
un porco, do galine e tre amici senpre inciucadi.
In orto pomodori, suchete e melansane,
ua soto la pèrgola, e tante bele notolade.
Chisà se basta… chisà, chisà… e se la dizi: njanca un fià!?
Faso ‘na figura de… (propio cusì…) se no ghe va cuel che go za.
Chisà se basta… chisà, chisà… e se la dizi: njanca un fià!?
Mi ghe digo tuto, prima che la se zveji,
e anca dopo, caresàndoghe i cavei.
Se no ghe va, a ‘sta pupa de sità,
chi se ne frega, ma njanca un fià.