Onji volta che vardo lontan penso cuando jero picio
Me ricordo el mar e me par de sonjar!
Rivedo i colori che ormai no ze più, cuela magìa che vien de lasù
e penso cuanto gavemo perso de la verità…cuanto…
Cuando se dizmentighemo de cosa ze la povertà
Cuela dizgrasia che ne conpanja fin de la zoventù
Che ne ga fato sperar, córer, viagiar
Ne ga fato pasar de duto …e deso cosa fasemo?
Vardemo vanti, senpre più in là, lontan
E no se ricordemo chi semo njanca un fià
Che bel profumo de cuel’aria de mar
e i sonji caresài soto cuel ciel, come i cucai
Co‘l sol se cala i ne sirconda ridéndone drìo
E ti intanto con la testa tra le man ti pensi a Dio
Cosa ne resta e po’, chi ghe guadanja?
De duti cuei che ze partidi nisun no torna!
Vojo èser cuel che jero, semplice e puro
Me manca ancora cuela mizeria, cuela libertà
De cuando che son nato fin a l’eternità.
La vita no ga bizonjo de poteri né de richese
Me basta cuel che gavemo inparado…cuà.
Ne basta a duti, a duta l’umanità.
Basta ricordarse che la vita la ze bela
se se ga umiltà…e deso so chi semo.
Vardemo vanti, senpre più in là, lontan
E finalmente capimo che ‘l mondo ze duto cuà
Che bel profumo de cuel’aria de mar
e i sonji caresài soto cuel ciel, come i cucai
Co‘l sol se cala i ne circonda ridéndone drio
E ti intanto con la testa tra le man ti pensi a Dio
Cosa ne resta e po’, chi ghe guadanja?
De duti cuei che ze partidi nisun no torna!

De duti cuei che ze partidi nisun no torna!
De duti cuei che ze partidi nisun no torna!