Co le brute e co le bele
Su la tore de Babele
Caino e Abele
Fatseva pugilato
El cronista, sa’, ghe dizi
Che ‘l caldo za li frizi
Co’l meteo va in crizi
El trofèo de gelato
Le culpe, sa’, ze tue
Po’ sacrìfica ‘sto bue
Perché ‘l mola CO2
El sòfiga la Tera
Noè ne fa “ciao”
Pronto per el càos
De’l nùvolo de Dàvos
Che tuto ‘l ciel ne sera
E carighemo l’arca co’ riva el Grande nùvolo
La giurìa de i esperti
Co i cuori tuti verti
Frazi denje de profeti
Ne vol salvar i fioi
Co le tase mi no godo
Su Van Gogh i buta brodo
I bloca ‘l tràfico a suo modo
I santìsimi eròi
Fin che Dàvide e Golìa
Vol trovar la spia
Che in oriente scanpa via
Sentsa saver cos’ la ga fato
Écolo un inprevisto
Che se taca un coro misto
“Sia lodato Gesù Cristo
Sempre Sia lodato”
E carighemo l’arca co’ riva el Grande nùvolo
Duecento i aeroplani sora el nido de’l cùculo
E carighemo l’arca co’ riva el Grande nùvolo