Torno anche ’sta sera in ’sta caza freda e tsita
E no rivo lasar fora tuti i gropi de la vita
E su’l muro, là in cuel specio
El mio vizo un fia’ più vecio
Chisà se a la fine zvola
Anche l’ànima più sola?
E decido de negarme
Dentro ‘sto bicer de vin
E decido che stasera
Jera colpa de’l destin
Jera colpa de’l destin
Se ti son andada via
Jera colpa de’l destin
O jera una bugìa?
Ricordo el gusto amaro de parole sai pezanti
No podeva più salvarne né candele e njanche i santi
E tsigar per no sentir
E scoltar per no capir
E spetar che rivi el giorno
Che ti vadi, che no torno
E decido de negarme
Dentro ’sto bicer de vin
E decido che ’sta sera
Jera colpa de’l destin
Jera colpa de’l destin
Se ti son andada via
Jera colpa de’l destin
O jera una bugìa?
E decido de negarme
Dentro ’sto bicier de vin
E decido che ’sta sera
Jera colpa de’l destin
Che se el mar vol ciapar fogo
Se la luna vol cascar
Mi no vado in nesun logo
Stago fermo cuà a vardar
A spetar che prima o dopo
Cuesto gropo dentro el peto
El sparisi, el vadi via

E magari forsi ameto / Che ze stada colpa mia