Jera un giorno,
un giorno de nome Ogi.
Jera un giorno sai conplicà
e ghe piazeva a pochi.
Serti no vedeva l’ora
de incontrar Doman
e serti i sonjava ancora
de come jera bel Ieri.
Ma cuei pochi

che ghe piazeva Ogi,
jera cuei con più suceso inte la vita.
Perché nonostante la dificoltà
de’l suo caràtere,
Ogi jera senpre el giorno più bel.
No ezisti Ieri e no ezisti Doman.
Se ti vol vìver,
vivi inte’l prezente.
I ricordi i sarà per senpre.
No ezisti Ieri e no ezisti Doman.
Se ti vol vìver,
vivi inte’l prezente.
I ricordi i sarà per senpre.
Ogi naza de un novo scominsio.
Una nova ocazion per mostrarse,
prezentarse soto caza cusì come che el ze,
sensa false preteze (…sensa false preteze…).
Un’ocazion per drisar tuti i destini,
cusì no i ghe le pol tornar
a Doman (…a Doman…).
Un’ocazion per cavar la scorsa
e ciapar finalmente la caresa.
Perché nonostante la dificoltà
de’l suo caràtere,
Ogi jera senpre el giòrno più bel.
No ezisti Ieri e no ezisti Doman.
Se ti vol vìver,
vivi inte’l prezente.
I ricordi i sarà per senpre.
No ezisti Ieri e no ezisti Doman.
Se ti vol vìver,
vivi inte’l prezente.
I ricordi i sarà per senpre.
E mòvite a vìver perché
come Senerèntola,
a mezanote anche Ogi se trasforma in Ieri…
Perché nonostante la dificoltà
de’l suo caràtere,

Ogi jera senpre el giorno più bel…