La vita sparge per strada premese mutévoli
Gioje, dolori che’l mondo ne riserverà.
Tochi restadi per tera de sonji incantévoli,
Voja de amar ancora che non se ne va.
Monta in sela a i ragi de’l sol che ilùmina,
Regi le brilie a’l galopo de cuel che sarà.
Fìdite de la beletsa che àbita l’ànima,
Vivi in pien i istanti de cuel che ze già.
Sonja, fortemente sonja.
Vivi in senplicità.
Ama, folemente ama,
Vola nte’ l’imensità.
Guarda verso l’alto, guarda,
Trova la serenità.
Dona, tanto ben dona,

Cuesta ze felicità.
La vita sfolja le pàgine tute da scrìver,
Tante le trame amare o dolci, chisà?
Ze i propòziti sani che porta fortuna,
Guarda la luna che la te soriderà.
Prendi a cuor le persone che (ti) vedi in làcrime,
El tuo ben ti regàlilo in cuantità.
Se ti ze triste perché te va tuto in cénere
Un novo sol de giorno te riscalderà.
Non molar mai, tien duro,
Dài sorìdighe a’l futuro…