Scóltime picia…scóltime…
Te se ricordi de l’odor de l’erba ‘pena tajada,
el gusto de le sarieze rubade da’l sariezer.
Te se ricordi, picia mia?
Scóltime picia…scóltime…
Te vien ‘namente le storiele de nona soto la luce débole de la candela,

el son de’l mar che ne contava de scanpar.
Te se ricordi, picia mia?
Scóltime picia,
Sonja picia,
Ridi picia,
Canta picia,
Che cuesto tenpo no torna più.
Scóltime picia,
Zoga picia,
Bala picia,
Ama picia,
Che doman no sarà cusì più.
Scóltime picia…scóltime…
Te se ricordi de’l ciel pien de stele,
dove corévimo scaltsi tra le canpanje.
Te se ricordi, picia mia?
Scóltime piìcia…scóltime…
Te se ricordi el sol che ne bazava el vizo,
E el vento ne cantava storie de tere istriane.
Te se ricordi, picia mia?
Scóltime picia,
Sonja picia,
Ridi picia,
Canta picia,
Che cuesto tenpo no torna più.
Scóltime picia,
Zoga picia,
Bala picia,
Ama picia,
Che doman no sarà cusì più.
E fin che la vita la va, va e anca noi cresemo,
cuesta picia dentro de mi me soridi,
custodindo per senpre el tezoro pretsiozo,
de la belesa de’l tenpo pasà.
Ma el zvodo inte la caza, restarà senpre, come un balo.
Cusì i me contava…te se ricordi, picia mia…
Te se ricordi, picia mia…
Sonja, picia…ridi, picia…