Concorso Video 2018

L'Unione Italiana, in colaborasion e con el patrocinio dela Cità de Buie, dela Region istriana, del'Università popolare de Trieste, bandisi el

 

7. Concorso video in tel ambito dela manifestasion


El scopo del Festival xe quel de valoriʃar l'istroveneto che rapreʃenta una espresion sai importante e significativa che meti insieme la realtà de tre Stati: Italia, Croasia e Slovenia.


REGOLAMENTO

  1. El concorso ga come scopo quel de documentar in istroveneto un momento de la storia pasada o preʃente. I video che ne mandè no ga limiti de genere (documentario, intervista, fiction e quel che volè). El tema xe libero. Le opere che no xe in istroveneto no sodisfa i criteri del concorso e le xe automaticamente fora.
  1. El concorso xe verto a tuti, solo no ai profesionisti, e ga do (2) categorie:

      • a) Categoria soto i 18 - under 18 *
      • b) Categoria sora i 18 - over 18 *

 

* ani fati (compiudi) al momento dela scadensa del concorso.

  1. Se pol mandar al concorso un masimo de tre video de masimo tre minuti! Ciolemo sia lavori de grupo che quei fati de un autor solo.
  1. I video va carigadi su Youtube e dopo biʃogna andar sul sito uficiale del Festival www.istroveneto.com e meter tuti i dati in tel modulo de adeʃion. Chi che no meti i dati in tel modulo online xe fora del concorso!
  1. El concorso xe verto de meʃogiorno (ore 12) 22 febraio ala meʃanote (ore 24) del 30 marso 2018. I video e i moduli che ne riva oltra la data de scadensa no li vardaremo gnanca.
  1. I lavori sarà valutadi de una 'poʃita giuria nominada dal’Unione Italiana e come diʃi lori: cusì xe! Per ogni categoria podarà eser dadi un primo, un secondo e un terso premio. La giuria podarà anche decider de dar un masimo de due “mensioni”.
  1. I più bei lavori sarà premiadi quando che sarà la Serimonia de premiasion che sarà in tel meʃe de giugno 2018.
  1. Chi che se iscrivi al concorso xe dacordo con quel che scrivi in questo regolamento.
  1. Forsa gioventù, anca se no gavè la telecamera, ciolè in man i celulari e mandene i vostri filmini che ste un atimo per farli! Ve spetemo in tanti!

 

MODULO DE ADEʃION

NOVITA'