Concorso Letterario 2018

L'Unione Italiana, in colaborasion e con el patrocinio dela Cità de Buie, dela Region istriana, del'Università popolare de Trieste, bandisi el

 

7. Concorso leterario in tel ambito dela manifestasion


El scopo del Festival xe quel de valoriʃar l'istroveneto che rapreʃenta una espresion sai importante e significativa che meti insieme la realtà de tre Stati: Italia, Croasia e Slovenia.


REGOLAMENTO

  1. El concorso xe verto a tuti i fioi pici e putei che ga tra i 6 e 18 ani.
  1. El concorso ga 3 categorie:

    • a) Categoria Pici - per i fioi tra i 6 e i 10 ani*
    • b) Categoria Medi - per i fioi tra i 11 e i 14 ani*
    • c) Categoria Grandi - per i fioi tra i 15 e i 18 ani*

 *ani fati (compiudi) al momento dela scadensa del concorso.

  1. I lavori devi eser scriti solo in istroveneto, se no ve ʃmachemo fora del concorso.
  1. Ognidun pol mandar solo un lavor, original e mai publicado o premiado prima, in te la forma che più ghe piaʃi (pensierin, pensier, storia, poeʃia, ricerca ...) de lunghesa masima de do (2) cartele (2 foi A4). I lavori devi rivar scriti sul compjuter per le categorie Medi e Grandi, invese per la categoria Pici va ben anche lavori scriti a man.
  1. I lavori biʃogna mandarli in forma anonima (sensa nome e cognome sul lavor) insieme con la scheda de partesipasion tuta impinida (in alegado o che se pol scarigar anca sul sito www.istroveneto.com) fina el 30 marso 2018 (vardaremo cos'che scrivi sul timbro dela posta), a sto indiriso:

 

Unione Italiana
„Festival dell'istroveneto“ - Concorso leterario
Uljarska 1/IV
51000 RIJEKA

  1. I lavori sarà valutadi de una 'poʃita giuria nominada dal’Unione Italiana e come diʃi lori: cusì xe! Per ogni categoria podarà eser dadi un primo, un secondo e un terso premio. La giuria podarà anche decider de dar un masimo de due “mensioni.”
  1. I lavori che rivarà no sarà tornadi, e i meio sarà premiadi quando che sarà la Serimonia de premiasion che sarà in tel mese de giugno 2018.
  1. Partesipando al concorso, se xe dacordo con quel che scrivi in questo regolamento.

Download allegati:

SCHEDA DE PARTESIPASION

PICCOLA GUIDA ALLA GRAFIA DELL'ISTROVENETO

NOVITA'