Concorso "Dimela cantando" 2017

L'Unione Italiana, in colaborasiòn con l'Università Popolare de Trieste, e col Patrocinio del Comun de Muja, la Cità de Buje e dela Region Istriana, publica el

 

Concorso „Dimela cantando“, 5. edision


per cansoni nove che vegnarà sonade e cantade ala 6. edision del


Cosa biʃogna far?

Prima de tuto ghe vol scriver la cansòn, parole e musica, registrar in studio e mandar sta roba fina el 28 febrajo 2017 per posta semplice, al indiriso:

Unione Italiana
Festival dell'Istroveneto - Concorso „Dimela cantando“
Uljarska 1/IV
51000 RIJEKA (FIUME)


opur, per quei più moderni, per posta 'letronica al indiriso: cultura@unione-italiana.hr.


Quando mandè la cansòn, cusì o colì, dovè scriver:

- titolo dela cansòn
- chi la cantarà
- i dati de chi che ga scrito la cansòn
- la registrasiòn pronta e finìda (niente demo sta volta!) su cidì (CD) o in formato emepitre (mp3)
- la baʃe pronta e finida su cidì (CD) o in formato emepitre (mp3)
- una copia dele parole della cansòn


Ste tenti: le cansòni che mandè le pol eser scrite solo in istroveneto e no le devi eser stade mai publicade, cantade o sonade prima!


Tute le cansoni che rivarà per tempo, che le sarà pronte e finide, le sarà valutade de una comision che decidarà quele che vegnarà sonade e cantade al Festival, in baʃe al valor artistico dela cansòn. Ai autori dele cansòn che sarà sjelte, ghe rifondaremo le speʃe de inciʃiòn dela cansòn. I autori ghe cedi i diriti de autor al organiʃator per ‘sta ocaʃiòn, ma comunque ghe resta i diriti previsti dala lege.


Atension, atension! Le cansoni sarà sonade e cantade dal vivo e sula baʃe muʃicale pronta, el 8 giugno a Muja, el 9 giugno a Capodistria e el 10 giugno a Buje, se va come se spera. Alora dovè ben pensar de tegnirve liberi in ‘sti giorni. Le cansoni le sarà valutade da una 'poʃita giuria e dal publico. Le meje, le vinzarà el premio.


Ve ricordemo infine, che l'istroveneto no xe solo rimoniche e bei veci tempi, anzi, pol eser tuto quel che se vol e, sopratuto, sarà apresade quele con tematiche e forme muʃicali contemporanee.


E sì, chi che partecipa a ‘sto concorso el xe dacordo con quel che scrivi qua de sora.

NOVITA'